你还记得吗 无锡人小时候唱过的童谣

●哭哭笑笑，买只老鸡婆叫叫。

●前后左右，脚尖脚跟脚尖跳。

●遮没我的太阳，烂落你的肚肠。

●新剃白白头，弗敲三记要触霉头。

●糯米饭，八宝饭，农民伯伯种出来。

●太阳落雨抓小鸡，小鸡伴勒瓮头里。

●多来米米来米多，换糖佬佬饶三饶。

●一碰哭，二碰哭，三碰碰着个鸡蛋壳。

●歪头申公豹，吃饭吃勿饱，屙屎拉警报。

●大头大头，落雨不愁。人家有伞，我有大头。

●落雨了，打烊了，小兵腊子开会了，大头娃娃跳舞了。

●老老头，滴滴头，生个老小唔拨头，拿格乃泥笃笃头。

●大块头，练拳头，一拳打到屎坑旮旯头。拾到一只肉馒头，吃到一口屎粒头。

●瘌痢蜡冬呛，新开电灯厂。电灯厂的老板娘，买挺机关枪，打打白相相，打勒瘌痢的瘌秃上。

      ●一里街，亮坝上，山墩凹，泗堡桥，五里新村，绿塔路，七尺场，八士桥，九成弄，日晖桥。

      ●呜哩呜哩托，土乃泥变阿福。

●牵磨汏磨，做饼瞟舅婆。舅婆来勒啰里？舅婆来勒高山上。那亨上去？拿格红绿丝线吊上去。那亨下来？拿格红绿丝线荡下来。

●本来要敲千千万万记，现在辰光来不及，马马虎虎敲十记，一、二、三、四、五、六、七、八、九、十。敲得十记还弗够，还要饶三记，还要搭三记，还要抠三记……

●你姓啥？我姓黄。啥个黄？草头黄。啥个草？青草。啥个青？碧咧清。啥个碧？毛笔。啥个毛？三毛。啥个山？高山。啥个高？年糕。啥个年？就拉前年，大饼店里好生意，一只大饼卖三年。

      ●荷花荷花几时开？一月里开。一月里勿开几时开？二月里开。二月里勿开几时开？三月里开。三月里勿开几时开？四月里开。四月里勿开几时开？五月里开。五月里勿开几时开？六月里开。六月里荷花荷花朵朵开！

      ●从前有个老伯伯,年纪八十八，走到八士桥，买着一碗八宝饭，铜钱用落八千八百八十八块八角八分八厘八钱。

      ●摇，摇，摇，摇到外婆桥。外婆对我笑，叫我好宝宝。糖一包，果一包，吃完饼儿还有糕。

      ●排排坐，吃果果。你一个，我一个，大的分给你，小的留给我。

      ●蜜蜂刺瘌痢，瘌痢拿洋枪，洋枪打老虎，老虎吃老小，老小抱公鸡，公鸡吃蜜蜂。

      ●一希奇,树娘结荸荠；二希奇，山娘挖河泥；三希奇，三岁个老小大大皮；四希奇，四个和尚坐了盆子则里。